SNICKERS
- 詳細內容 發佈於：2013-05-09, 週四 08:55 德穎 點擊數：1738
碼頭工人為薪酬待遇反轉貨櫃碼頭40日，令我地見識到一班壯男團結嘅時候有幾近，一眾教練更加對號入座擔心隊員都識得為自己爭取權益反中亂河。試想像如果我地嘅隊員因為嫌拉太多機，暑假太少颱風，或者艇會又經常冇熱水而鼓燥，繼而罷扒或者佔領艇倉40日，暑假就冇左一半！
眾所周知，為左要專注練艇，划艇隊極不鼓勵隊員返暑期工。居安思危嘅我地決定係咁依慰藉一下班舊仔，搭路接左單廣告job，等佢地正式開操之前搵少少外快，暑假埋牙嗰陣都發少d窮惡。
廣告賣嘅係SNICKERS，淨係喺大陸播，即係唔會有李香琴上身啦，上年GANGNAM STYLE hit 爆，拍返個韓式廣告應該係基本動作！
不過唔好意思，今次主角係家英哥，chok晒樣都冇用，唔該唱住Only You扒龍舟！