Previous Tab
Next Tab

警察挑機?!

近日收到警方電郵,當堂嚇到龜縮,以為輪到我地被低調通輯!話晒上當年隔離U成日聲浪過大擾民,又喺行人路踩單車,又唔交會費續証,唔填出艇表,夜晚唔裝艇燈又遲返碼頭,唔跟航道,唔睇後,洗艇唔乾淨,沖涼爭水喉,好易點錯相以為係我地架嘛!

睇清楚之後縮得仲犀利,警察歷險會今年搞嘅拉機賽想邀請我地一齊玩,原來警察除左識拉人之外仲識拉機!佢地俾人挑機都算挑得多啦,今云黎挑我地機,一齊玩嘅仲有消防海關入境懲教。我地認為今次好有可能係針對大傑(13屆)同佢班拉機怪,佢地成日喺九公KO紀律部隊,應該一早結怨。嗱,怨有頭債有主,成日去九公玩班怪獸唔好龜縮!

拉機部隊緊急招兵!越肥越好!7月13號禮拜六下晝比賽,7月2號deadline,有4 x 500,有5 x 3分鐘,費用全免!組團搵馬仔。

 

 

Copyright 2013 © CUHK Rowing Team Alumni Association. All rights reserved. 版權所有 不得轉載