Previous Tab
Next Tab

28屆台灣集訓

中大划艇廿八屆校隊成員連教練共38人浩浩蕩蕩出發!!

2014年6月3-9日,我們首次移師到台灣宜蘭冬山河進行海外訓練暨當地划船邀請賽,感謝宜蘭划船委員會的負責教練為中大划艇隊安排接送(桃園機場往返宜蘭)、食宿(當地民宿及餐廳)及訓練器材(租用兩艘8+及一艘4-),大費周章為我們打造完善的訓練環境。

識練一定係食訓練

晨早食個大飯糰就落轉水,訓個晏覺就拉轉機!

隊員最期待的畫面出現了: 唔使輪機,30幾部機任你拉,拉機放題都係第一次試。

教練最期待的畫面出現了: 全視線零阻隔全長2.5公里完美單車徑,真係肌肉線條都睇得一清二楚。

話唒冬山河都係台劇熱門取景地點,椰林樹影,風光明媚,真係做多兩轉Time Trial都制。

 

初戀無限touch

全Team第一次認認真真warm up過

第一次同宜蘭划船代表隊友誼切磋

第一次唔再阿吱阿左對Equipment有要求,因為扒得掂條潛水入水艇,你先係皇者。

要讚既係廿八屆隊員展現良好素質,愛惜友隊的器材,食完飯執齊碗碟,民宿垃圾自己處理,鄉郊地方難免有蟲蟲特工,港女們對付??毫不手軟,港男們就大戰蜘蛛慘敗,最後都係要宇宙最強宇欣教練出手殺戮。

總結,是次海外訓練有助隊員及教練進一步確立訓練目標,認清自己在隊中的價值。記住,幸福不是必然,感恩才是道理,將現時所擁有的都視為收獲,中大划艇就是靠每一個人肯付出多一點去支撐著,廿八屆請繼續加油!!

Copyright 2013 © CUHK Rowing Team Alumni Association. All rights reserved. 版權所有 不得轉載