Previous Tab
Next Tab

報捷!中大划艇隊勇奪全場總冠軍!成功取得十連霸!

唔係講笑,呢一年真係嬴得不易!今年浸大同理大都有港隊成員座陣,分別嬴左男子隊同女子隊冠軍。我地僅以3分之微力壓浸大!對於唔熟識計分制度嘅校友:即係如果我地冇左一條攞第四嘅艇,或者我地同對手嘅名次由第四第五變成第五第四,或者銀牌變銅牌,都嬴唔到全場總冠軍!驚險程度可想而知!亦即係話,每一條艇都好緊要!真真正正靠TEAM WORK!

當日嘅校友多過現役隊員,雖然當中有人因吝嗇肥肉或怕影響市容而未敢著黃戰衣,但係我地依然將艇會染成一片黃海,場面感動。

恭喜廿五屆划艇隊取得佳績!十連霸係由呢十屆嘅隊員共同創造嘅傳奇!更加感激歴屆隊員共同付出孕育成今日嘅中大划艇隊!

中大划艇隊呢廿五年一直有唔同嘅競敵,由兩大賽時期鬥到你死我活嘅港大,到大學賽時期嘅浸大,科大,理大,到今年嘅理大加浸大夾攻,每個時代都各有可怕同可敬嘅對手,但係中大划艇隊依然係各間大學嘅目標。將來,中大划艇會遇到更多更大嘅挑戰。寄望中大划艇隊遇強越強,繼續成長,創造更多傳奇!

更多...

Copyright 2013 © CUHK Rowing Team Alumni Association. All rights reserved. 版權所有 不得轉載