Previous Tab
Next Tab

中大五十年

踏入2013就係萬眾期待嘅中大金禧年(話事話都係划艇隊校友會成立十周年),身為中大之寶嘅我地當然要做d野啦,Send My Regards 或者 Send My Best Wishes 呢d指定動作當然唔少得。除此之外,一直心繫中大嘅我地呢次會以實際行動回饋母校(暨米飯班主)!

 50周年校慶校友慶祝活動

「發揚中大 ‧ 貢獻社會」實為本會宗旨,1月27日舉行嘅「香港中文大學五十周年校慶啟動典禮 ‧ 健步行暨嘉年華」嘅嘉年華正正係我地撮力之時。我地到時會喺嶺南場擺檔,將最好玩嘅野推介俾所有中大校友!我地檔野12點到4點開檔,黎開嘅記住過黎探班,玩下親子活動,更歡迎幫手。

關於當日嘅慶祝活動,睇落都節目豐富,朝早有健步行為I.CARE博群計劃籌款(要報名),下晝嘅嘉年華會除左有最好玩嘅划艇機,仲有綜藝表演、紀念品銷售、有獎攤位遊戲、兒童樂園、運動天地(唔止拉機嘅)、美食角等精彩節目,一齊盡歡同慶五十周年。

出席當日活動嘅校友另外會有五十周年校慶校友活動紀念牌(金色嘅)免費派發,好耐冇攞過金牌嘅你記住留意。 香港中文大學五十周年校慶校友活動紀念牌

 

Copyright 2013 © CUHK Rowing Team Alumni Association. All rights reserved. 版權所有 不得轉載