Previous Tab
Next Tab

楊明標及區寶琪優秀運動員獎學金

話說中大有兩寶,辯論划艇一文一武,辯論隊當然能言善辯,勁過毓民,划艇隊就大大隻得舖力,GPA長期掙扎於1與2的邊緣,暑假練艇間唔中會有人請假去見professor照肺。

喺咁惡劣嘅環境下,仍然有人出污泥而不染,繼十項全能羅德學人阿Tim(21屆)之後,今次有Nicole(27屆)獲得「楊明標及區寶琪優秀運動員奬學金」同埋「校長傑出運動員奬」,睇呢位港隊成員長期練住艇都可以keep到學業成績合格就知有料啦(須知道GPA合格對我地黎講唔係必然),「校長傑出運動員奬」每年名額只有一個都俾佢攞到,呢d咪型囉。

想一睹Nicole風采或者見下祖堯BB嘅可以喺6月25日4點半去U gym觀禮。冇記錯嘅話,奬金應該夠食一餐Team飯。

 

2013深水灣龍舟賽

早過划艇隊開操嘅龍舟隊終於比賽,新仔比賽當然要食下白果。食白果冇問題,扒tail race都預左,第一次比賽當攞下經驗。雖然個start氣勢如虹,但係同場竟然輸俾UST alumni,咩料呀!

唔好咁大反應,人地龍舟隊alumni喎,輸4秒都係一條艇啫,唔使浸豬籠呀話,最多挑人地划艇side返轉啦。

賴皮都冇用,睇下教練鬼見愁咁嘅燶面,一個二個馬仔咁嘅頹樣,即係要加操啦!

陽光海灘襯黄色始終爭d,端午節比賽返沙田玩,城門河見!

 

 

 

Urgent Help for Alumna Leung Tsz Yan 驗骨髓幫助梁子茵校友

(轉發自中大校友事務處)

The following is a message to alumni of the University appealing to them to support Alumna Leung Tsz Yan who is suffering from leukemia and urgently needs to find a suitable bone marrow donor. For enquiry, please contact Mr Patrick Tang of the CU Environmental Science Programme (Tel: 39436294 or email:  This e-mail address is being protected from spambots. You need JavaScript enabled to view it. )

 

各位校友 :

身患血癌的本校2006年畢業生梁子茵校友,雖自香港中文大學去年的呼籲後得到校友熱心幫忙,身體力行捐贈骨髓,然而等待合適的捐贈者迄今已有一年,仍未能找到合適的骨髓。梁校友經進行過多次的化療後,現時的化療只可進行多兩次便要停止,然而,梁校友並未因此放棄,現繼續積極呼籲各地校友捐贈骨髓,尋找合適骨髓以供移植。

2006年以一級榮譽學位畢業於環境科學課程,隸屬聯合書院的梁子茵校友修業期間成績超卓,屢獲殊榮,並得師長及同學的愛戴。然而,梁校友不幸癌病復發,除要面對沉重的醫療開支外,亦急需尋找合適的骨髓進行移植。我們在此再次呼籲各位校友,不論你身在本港或外地,請踴躍到紅十字會捐血中心就骨髓捐贈進行登記及化驗,以幫助梁校友延續生命。

隨件附上梁子茵校友的呼籲郵件,盼望各位能慷慨幫忙。

聯合書院院長 余濟美
生命科學學院院長 陳文博
環境科學學科課程主任 陳竟明
校友事務處處長 區月晶

2013年5月17日

>>>>>>>>>>>>>>>>>>>>>>>>>>>>>>>>>

 

 

梁校友呼籲郵件

致各位親愛的校友:

衷心感謝香港中文大學一直以來對我的關心及幫助。你們的熱心呼籲及幫忙,不但紓緩了我家庭的經濟壓力,更重要是鼓勵了很多熱心朋友身體力行捐贈骨髓,真的很感激大家的幫忙!

自上年的呼籲後,雖曾多次找到初步脗合者,有一位更打算於5月進行骨髓移植,但最終獲通知捐贈者不適合移植。多次的失望,真的令我感到十分沮喪。很擔心即使再找到初步脗合者,最後又會空歡喜一場!

我等待合適的捐贈者迄今已一年,但仍未能如願。在最近的覆診中,醫生更告訴我由於我已進行過多次的化療,現時的化療只可進行多兩次便要停止,對此我感到十分徬惶及憂慮。儘管如此,我仍積極努力,堅決不放棄,希望盡最大的努力爭取時間作出呼籲,但願最終能找到合適的骨髓。我已再向身邊的朋友及工作部門呼籲骨髓捐贈,亦很慶幸得到他們的正面鼓勵及幫助。我相信若香港中文大學能再次透過各大傳媒向中大師生與各地校友再次呼籲,其迴響及效果必定更大。因此我十分希望校方能再作呼籲,以增加我及許多血癌病人尋獲合適骨髓的機會。

有很多朋友上次看到有關我的報導及呼籲後,都十分踴躍提供協助,不過我發現原來有些朋友對骨髓捐贈有些誤解:

  1. 有些朋友擔心捐骨髓會很痛,但其實現今的科技已十分安全可靠。登記及捐贈過程與捐血或抽血相類似並同樣簡單,捐贈者只會於針管插入手臂時感到些微痛楚,但疼痛會很快減輕消失。根據香港紅十字會的資料,大部份捐髓者是毋需服用止痛藥物的;
  2. 亦有些朋友擔心捐骨髓會影響健康,根據香港紅十字會的資料,捐贈骨髓不會影響健康。由於幹細胞可自行再造,故短時間內即可恢復,更不會削弱免疫力及造血能力。家兄曾三次捐贈幹細胞,雖然感到有些疲倦,但數天後體力已完全恢復;
  3. 捐血時所抽的血一般只會作捐血用途,但其實只要主動提出,便可同時登記成為骨髓捐贈者,既可幫助輸血者,又可為血癌病人增加配對的機會,一舉兩得;
  4. 骨髓移植與血型並無關係,成功與否在乎捐髓者與病人的白血球組織型(HLA)的脗合度。只要體格健康,沒有已知的傳染病(例如乙型肝炎帶菌者),年齡介乎18至60歲,便符合登記資格。

在中國、台灣及香港約二百萬名已登記的華人骨髓捐贈者庫中,我仍未能找到合適骨髓,現在醫護人員正向日本及韓國尋索初步脗合者,但仍未有消息。 事實上,能夠為血癌病人找到合適捐贈者的機會相當低(常見的白血球組織型HLA:1/5,000 –1/10,000;罕見:< 1/100,000),但即使機會再渺茫,我亦不想放棄。我相信只要多一個人登記,便多一分指望,病人能找到合適骨髓的機會便愈高。很希望會有更多有心人參加骨髓捐贈計劃。除我以外,仍有許多血癌病人正急需合適的非親屬骨髓移植。一個簡單的登記及驗血手續,就足以給予我們一線重燃生命的希望!

再次感謝您們的熱心幫忙!並祝願大家身體健康,工作順利。謝謝!

2006 聯合書院環境科學系畢業生

2008生物系碩士畢業生

梁子茵敬上

 

SNICKERS

碼頭工人為薪酬待遇反轉貨櫃碼頭40日,令我地見識到一班壯男團結嘅時候有幾近,一眾教練更加對號入座擔心隊員都識得為自己爭取權益反中亂河。試想像如果我地嘅隊員因為嫌拉太多機,暑假太少颱風,或者艇會又經常冇熱水而鼓燥,繼而罷扒或者佔領艇倉40日,暑假就冇左一半!

眾所周知,為左要專注練艇,划艇隊極不鼓勵隊員返暑期工。居安思危嘅我地決定係咁依慰藉一下班舊仔,搭路接左單廣告job,等佢地正式開操之前搵少少外快,暑假埋牙嗰陣都發少d窮惡。

廣告賣嘅係SNICKERS,淨係喺大陸播,即係唔會有李香琴上身啦,上年GANGNAM STYLE hit 爆,拍返個韓式廣告應該係基本動作!

 

不過唔好意思,今次主角係家英哥,chok晒樣都冇用,唔該唱住Only You扒龍舟!

 

 

 

 

 

 

27屆選拔

唔覺唔覺又到暑假,文總親自上肇慶精挑細選27屆新血,肯定唔扒得都玩得,今年有15新仔13新女一共28滴新血入選,歷史新高咁多新人,實有“景滾”!

中大因為唔夠時間準備三三四,成個學年延遲一個禮拜,我地因為淆底唔夠時間練艇,提早成個月選拔,結果成班仔仔女女練住艇準備考試。一個禮拜練兩個session啫,冇咁易肥嘅。

情報顯示今年主要對手嘅港隊成員有成條八咁多人,講緊係一間U咋,我地就有三件咁大把,証明香港教育制度及中大收生準則有嚴重漏洞。咁點算呀?教練話“都係咁練啦”(明晒!)。

 
 
 
 
 
Copyright 2013 © CUHK Rowing Team Alumni Association. All rights reserved. 版權所有 不得轉載