Previous Tab
Next Tab

第一屆香港海岸賽艇錦標賽賽果

激浪同青春果然冇必然關係,中大盃稱霸Alumni男八嘅23、24屆經唔起風浪考驗,喺城門河也文也武,出到海一沖就散,竟然慢過14、15、17、22屆雜牌軍。不過,喺中大盃老馮偷步嘅老餅因為偷步斷正俾umpire加左2分鐘,入唔到final,總算保住條腰。17、21、24屆女舊人喺冇對手嘅情況下順利完成6k賽程贏得金牌,絕對實至名歸!

校友學生齊齊玩左半日sea trip,最大挑戰係倒塔咁早仆入深水灣!呢個地方值得推介。

HKCRC 2013 - Results

更多...

第九屆中大盃 LIVE!!

第九屆中大盃受到200名壯男少女嘅感召,今年有破紀錄100位老鬼報名參加,暫時有11條八人艇(計埋幾個齋做冇得扒嘅校友咪夠100囉)!當中女八竟然有5條,難怪A&F開舖被包圍。 

要注意:

﹣比賽時間冇變,男八11點,女八2點,唔該預早個半鐘到,1月13號禮拜日。
﹣天台設有酒水小食,不過比賽前食得太飽都不適宜,比賽後沖完涼先好上黎,俾d儀態,唔好餓狗搶屎。
﹣150蚊,平到笑,走數後果自負。
﹣我地正努力安排空間,建議老弱隊友自備摺櫈(想印字嘅可以印齊槳或者齊力,其他就唔好啦)。
比賽片段即時現場直播,俾學生即席觀摩舊人英姿,所以,扒慢d唔緊要,最緊要型。
﹣大tail wind,飄都飄到1000米,唔好死頂。
﹣今年並冇安排急救隊伍,扒完嘔白泡嘅唔該扒埋去舊艇會,急救站就喺左近。
﹣不妨著長衫長褲扒艇,肥肉遮左佢就唔存在。
﹣有d艇未夠8個人,唔好諗住請槍,準備七扒啦。
﹣盡早搵定cox,呢個好關鍵,年年有牌攞嘅17屆男八有版你睇,輸左唔好賴。
﹣熱烈歡迎18屆男八強勢回歸。

 

 

中大五十年

踏入2013就係萬眾期待嘅中大金禧年(話事話都係划艇隊校友會成立十周年),身為中大之寶嘅我地當然要做d野啦,Send My Regards 或者 Send My Best Wishes 呢d指定動作當然唔少得。除此之外,一直心繫中大嘅我地呢次會以實際行動回饋母校(暨米飯班主)!

 50周年校慶校友慶祝活動

 

閱讀全文:

香港海岸賽艇錦標賽

激浪同青春並冇必然關係,中大盃之後一個禮拜俾個機會你地再戰Middle Island!有興趣嘅單聲先,唔夠腳嘅話到時再夾。

You are the BEST!

唔知有冇人記得,艇會有個Ladder System去計全年最佳艇手同埋屬會(即係舊艇會拉機房行返去男更衣室穿過嘅嗰條走廊嘅牆上面掛住嘅嗰塊排名計分牌)。原來我地今年攞左全年最佳屬會及最佳男子八人艇!雖然唔係第一年攞,但係同勁歌金曲一樣,計分方法依然係個謎。

總之,中大划艇隊,Oh You Are The Best!

 

Copyright 2013 © CUHK Rowing Team Alumni Association. All rights reserved. 版權所有 不得轉載