第九屆九丸賽
U Champ HK Champ 都過晒，睇到呢個race schedule唔好嚇親，實仔係中大盃prelim schedule！第九屆中大盃會係世界末日後第一個比賽，因此唔扒都黎睇下，順便帶d細路黎玩下。今年比賽改喺一月十三號玩，總算唔使著住件背心獻世。
呢舖真係長長久久，想當年出盡九牛之力先搵到200個校友加學生嘅中大盃，今年淨計學生已經200人（即係參賽人數多過U Champ）。睇住呢個schedule，除左佩服搞手排個痴晒線嘅賽程，仲要贊嘆龍年效應搵到咁多院隊隊員，同埋難以想像九肚山竟然起到9個書院，到時如果有老鬼瞌埋眼數到9個書院院名即送紀念品乙份！
既然係咁，麻煩各位舊仔早d起身，男八11點比賽，自己預時間早d到俾錢（遲d再講錢）。舊女要時間執返眼耳口鼻，下晝2點先比賽，不過由於書院已經有15條男四同埋14條女四，所以舊女要扒女八（搵到8個人再講）。
唔夠一個月，咋咋臨搵人。預早單聲，今年會有高清拍攝，crab過槳又唔認嗰d買定面罩。
9月快訊
長話短說，以下係消息幾則：
一：兩大再下一城
男八又係以唔夠一個艇位僅僅力壓港大，有幸唔使成為雙失艇（八大兩大皆輸），女四又係輕鬆勝出，寫下歴屆累計成績為男八20勝6負，女四19勝5負！唔錯唔錯。
更多...
二：繼續比賽
暑假之後大家依依不捨，熱血不減，決定成team人繼續激浪，出戰馬拉比賽，7日划艇團！生不逢時嘅你冇得恨。
三：遊船河
為左慰勞一班扒手以及拉近校友同隊員嘅距離，校友會暑假鉅獻9月23日（即係下個禮拜日）遊船河，俾佢地曬走背心印。有工返又唔怕自卑又想夾錢玩嘅你歡迎參加，位位300大元，聯絡德穎有discount！
更多...
四：老鬼扒艇
一眾完美體格嘅隊員誘惑左一班老鬼去重捨艇趣，呢班老鬼決定每個禮拜都相約城門河消脂，腰circuit當然係指定動作，順便備戰11月嘅舊生大學賽同埋1月嘅中大盃。有興趣嘅都係聯絡德穎，會費只係1400。黎緊中大盃會改喺1月舉行，唔想再坐沉條艇嘅你，喳喳臨返黎做運動！
五：立法會
經歷過划艇隊隊長同埋區議會選舉洗禮嘅13屆隊友鄧家彪，繼連任東涌逸東區議員後，成功爭取被提名並自動當選立法會功能組別勞工界議員，恭喜恭喜。唔好掟蕉住，打工仔有乜頭暈身慶記得搵佢求助！
第二十六屆香港兩大划艇賽
黄海告急！
見證中大划艇11連勝最後召集！
今日初賽有驚無險，中大所有艇都入到決賽！今年中大划艇齊齊整整full entry上陣，誓要重奪男女子隊冠軍！
但係今日艇會被染成紅海，所以，聽日，唔好著紅衫！總教練會見一件除一件。
留意比賽時間，早黎嘅過黎新艇會，齋睇男八就直接過舊艇會，龍友可以捕喺finish mark。
|
比賽時間 0900 0915 0930 0945 1030 1100 1115 1130 1315 1430 |
比賽項目 W1X M2X W4- M4+ W2X M1X W4+ M4- W8+ M8+ |
CU CU CU GO！