Previous Tab
Next Tab

有商有量,加入幹事會!

誠徵校友會幹事,歡迎查詢。

Which Blue Are You?

唔係問西貢定九龍塘,第160屆牛津劍橋對抗賽黎緊倫敦時間禮拜日下晝6點比賽(即係我地半夜1點)。曾經連嬴13年嘅劍橋上年輸左一條艇,人地扒6k幾爭一條艇其實好少啫,你睇佢地上年咁認真練,又有奧運選手,應該支持下啦。

不過睇完上個禮拜女子隊爭咁遠,情況似乎不妙,最令人擔憂嘅係... 比賽航道有好多鴨仔呀!!!

睇到熱血沸騰嘅,不如download隻game,扒返幾槳啦!

 

認識展能賽艇

於2003年成立嘅展能賽艇,相信近10屆嘅隊友都見過佢地扒艇,或者幫過佢地搬艇。其實佢地同我地一樣喺新艇會練艇,一樣努力練習,甚至於國際賽事取得佳績,大家對佢地認識有幾多呢?

今年我地會喺艇會擺放由香港弱智人仕體育協會提供嘅展板,向大家介紹一下香港弱智人仕嘅體育發展。同時,我地會將校友比賽費一半收入捐出予香港弱智人仕體育協會作賽艇用途。

初次合作,目的簡單不過,希望喚起各位隊友關注身邊以至社會有需要人仕。

 

亞洲大學邀請賽

除左書院比賽以及校友比賽,第十屆中大盃將試辦亞洲大學邀請賽,以艇會友!海外參賽隊伍有東京外國語大學,馬來西亞敦胡先翁大學(Universiti Tun Hussein Onn Malaysia),本地隊伍有中大,港大,科大,理大,城大,浸大,另有一外卡名額予中大划艇校友!

                              

比賽項目有男八女四,同埋男女雙人艇(共4場比賽),所有比賽賽程為1000米。

各位曾經風光,而家又仲扒得下嘅隊友歡迎挑機!與其將舊奬牌post出黎,不如再次証明自己,一眾跨幾代嘅13名過氣艇手經已密鑼緊鼓準備選拔,有心有力嘅隊友歡迎加入!

 

一樣嘅男女八人艇,加設最佳衣著組合奬

同上年一樣,校友比賽有男八同女八,1月26日中午至下晝,由於校友眾多,加上器材所限,今年校友比賽有可能要扒heat,確實時間待定。

又由於太多校友睇得唔扒得,所以今年增設最佳衣著組合奬,等你地唔好年年都咁慘淡,記住係組合奬,即係9個人嘅組合!有奬品冇奬牌,工作人員會招呼冇準備嘅艇!

齊唔齊腳都好,咋咋臨報名先,位位200大元。約練艇咁麻煩,唔使漇時間啦,搵衫啦!

 

Copyright 2013 © CUHK Rowing Team Alumni Association. All rights reserved. 版權所有 不得轉載