Previous Tab
Next Tab

廿五週年聚餐溫馨提示

聚餐將於7時開始,請於6時30前到達,以安排入座,到時見!

校友會網站正式面世

籌備多月嘅校友會網站正式面世。呢幾日會逐一將LOGIN PASSWORD SEND EMAIL俾你地。抱歉網站初期只有基本內容,聚餐過後會繼續完善。鄭重嗚謝各高科技IT專才(16屆春發,18屆廣華,19屆Cinde,23屆阿祝)嘅共同努力。

廿五週年聚餐最後招集

未覆我地嘅舊人,我地未聯絡到嘅舊人,仲考慮緊嘅舊人﹣呢個係最後招集。銀禧聚餐呢個PROJECT,我地冇成本壓力,就算400幾位隊友黎齊都唔會收支平衡。今次誠意邀請完完全全係希望大家聚首一堂,為我地曾經共同成長嘅地方作見證。

特別提提大家:

﹣RECEPTION地方人手好有限,處理大量現金亦唔理想,呼籲每一個人呢幾日先過數去ALUMNI ACCOUNT(匯豐銀行004)459 4 018451(香港中文大學划艇隊校友會 THE CHINESE UNIVERSITY OF HONG KONG ROWING TEAM ALUMNI ASSOCIATION),再SEND返張RECEIPT或者SCREENSHOT俾我地。

﹣今次DRESS CODE係SMART CASUAL,最好就唔好著拖鞋,短褲涼鞋留返下次BEACH PARTY先,有自信者熱褲唔拘。

﹣地點係馬哥孛羅香港酒店MARCO POLO HONG KONG HOTEL(近天星碼頭嗰間),尖沙咀有兩個馬哥孛羅,唔好咁傻仔去錯,唔肯定嘅問下GOOGLE先,到時真係要求救嘅就打9463 0403搵契大佬幫手。

﹣為求盡興(酒精飲品任飲)及支持環保,唔好揸車,我地冇泊車飛俾你,亦唔好賴要揸車而唔飲酒。

﹣6時恭候,7時開波,早D到齊早D有得食,遲黎嗰D有射燈歡迎你。

報捷!中大划艇隊勇奪全場總冠軍!成功取得十連霸!

唔係講笑,呢一年真係嬴得不易!今年浸大同理大都有港隊成員座陣,分別嬴左男子隊同女子隊冠軍。我地僅以3分之微力壓浸大!對於唔熟識計分制度嘅校友:即係如果我地冇左一條攞第四嘅艇,或者我地同對手嘅名次由第四第五變成第五第四,或者銀牌變銅牌,都嬴唔到全場總冠軍!驚險程度可想而知!亦即係話,每一條艇都好緊要!真真正正靠TEAM WORK!


閱讀全文:

第十七屆全港大學划艇錦標賽

練艇嘅時間過得特別快,又係時候要出征啦。今年嘅大學賽將於8月6至7號舉行(即係呢個禮拜六日)。出賽陣容講你都唔識,但係佢地係著住黃戰衣嘅,即係大家嘅隊友。所以,絕對值得支持。

今年,係中大划艇隊爭取大學賽全場總冠軍十連霸嘅一年,亦係近十年最難嬴嘅一年。所以,特別需要你地嘅支持。(為免隊員承受不必要壓力,其實九連霸都好好聽)


閱讀全文:

Copyright 2013 © CUHK Rowing Team Alumni Association. All rights reserved. 版權所有 不得轉載