Previous Tab
Next Tab

中大盃最新安排

由於日本地震關係,觀摩中央大學划艇隊及應援團嘅機會要落空,一方面希望日本方面盡早重建家園,另一方面中大盃嘅安排亦有變。雖然係咁,另一間明治大學4月底黎同我地集訓嘅計劃暫時冇變。

一直以黎參加中大盃嘅幾十位校友同幾十位學生各自全程投入自己嘅比賽,兩幫人似乎冇乜火花,老嘅概嘆一蟹不如一蟹,嫩嘅見證歲月不留人。今年,中大盃籌委就要證明究竟係老而彌堅定係青出於藍,試辦校友學生大決鬥!

閱讀全文:

第七屆中大盃!

春茗過後,又到左三月份,天氣又開始回暖, 非常適合到戶外做下運動、舒展下身心。因此,校友會誠邀大家參加 3月27日(星期日)嘅「第七屆中大盃」﹗

閱讀全文:

校友會網站

新嘅中大划艇網站正在趕工中。如果春茗有影相又唔介意share嘅麻煩單聲,影人冇拉褲鏈嘅相唔使share。

 

銀禧籌委會

坦白講,我地唔會預期廿五會做得好過二十(留返條後路),但係我地認為必須要搞,以見證我地嘅銀禧,同埋慶祝大學賽十連霸(或者慰勞十連霸失利)。

中大划艇一向獨立運作,連教練都自給自足,所以希望廿五都係由中大划艇嘅人一手一腳自己做。我地現時嚴重欠缺人手同人才,因此強烈呼籲任何有志之士,或者有特殊技能(口技手技腦技)嘅特技人加入。冇收入,彈性工作時間,吃力不討好,工作成功感冇保證。

校友會幹事會

上一屆嘅瘀血大部份已經結晒婚生晒仔,一如所料老婆仔女都反對佢地繼續搞事。新一屆幹事會將於3月內成立,有興趣參與其中嘅搞屎棍歡迎3月15日之前聯絡我地。

 

Copyright 2013 © CUHK Rowing Team Alumni Association. All rights reserved. 版權所有 不得轉載